Topic

Vatan uchun yashaylik

Closed

📝O‘zbekiston Respublikasi Prezidentining 2025-yil 10-iyuldagi “O‘zbekiston Respublikasi davlat mustaqilligining o‘ttiz to‘rt yillik bayramiga tayyorgarlik ko‘rish va uni o‘tkazish to‘g‘risida”gi PQ-222-son qarori hamda Vazirlar Mahkamasining 2022-yil 18-yanvardagi Iste’dodli yoshlarni qo‘llab-quvvatlash “Ulug‘bek” jamg‘armasi faoliyatini rivojlantirish chora-tadbirlari to‘g‘risida”gi 30-son qaroriga muvofiq Iste'dodli yoshlarni qo‘llab-quvvatlash Ulug‘bek jamg'armasi tomonidan "Vatan uchun yashaylik" mavzusida Insholar tanlovi o‘tkazilmoqda..

G'oliblar quyidagi yutuqlarga ega bo'ladilar:

🥇5 000 000 (besh million) so'm;
🥈3 000 000 (uch million) so'm;
🥉2 000 000 (ikki million) so'm.
Insholarda Yangi O‘zbekistonni barpo etish bo‘yicha sakkiz yil oldin boshlagan keng ko‘lamli islohotlarimiz tufayli jamiyatimizning ijtimoiy-siyosiy manzarasi butunlay o‘zgarib borayotgani; qisqa muddatda mamlakatimiz iqtisodiyoti shiddat bilan o‘sib, yalpi ichki mahsulotimiz hajmi tarixda birinchi marta 110 milliard AQSh dollaridan oshgani, «yashil» va innovatsion iqtisodiyotga o‘tish, muqobil energiya manbalarini yaratish bo‘yicha ulkan dastur va loyihalar amalga oshirilayotgani; yangilangan Konstitutsiyamizda belgilanganidek, O‘zbekiston tobora inson qadri, uning huquq va manfaatlari ulug‘lanadigan ijtimoiy davlatga aylanib borayotgani, bandlikni ta’minlash, zamonaviy ish o‘rinlarini ko‘paytirish, kambag‘allikni qisqartirish, yordamga muhtoj toifalarni qo‘llab-quvvatlash bo‘yicha davlat dasturlari katta ijobiy natijalar berayotgani; ta’lim sohasidagi islohotlar ilgari tariximizda misli ko‘rilmagan o‘zgarishlarga olib kelayotgani, maktabgacha ta’lim tizimida qamrov 2017 yildagi 27 foizdan hozirgi paytda 77 foizga, oliy ta’limda esa 9 foizdan 42 foizga yetgani, yurtimizda ijod maktablari, ixtisoslashgan maktablar va Prezident maktablari kabi yangi modeldagi maktablar tizimi paydo bo‘lgani; sog‘liqni saqlash, ilm-fan, IT, madaniyat, adabiyot va san’at sohalari rivojiga ham katta e’tibor berilayotgani, Parij Olimpiadasi va Paralimpiadasida sportchilarimiz ilk bor kuchli o‘n beshtalikdan joy olgani, futbol bo‘yicha 17 yoshgacha o‘smirlar jamoamiz, shuningdek, milliy terma jamoamiz O‘zbekiston tarixida birinchi marta jahon chempionatiga yo‘llanmani qo‘lga kiritgani; «Yoshlar — Yangi O‘zbekiston bunyodkorlari» degan shior ostida navqiron avlodimizning zamonaviy bilim va kasb-hunarlar, ona tili bilan birga xorijiy tillarni, IT texnologiyalarini egallashlari, tadbirkorlik bilan shug‘ullanishlari, iste’dod va qobiliyatini ro‘yobga chiqarishlari uchun har tomonlama qulay shart-sharoit yaratib berilayotgani, bunga javoban o‘g‘il-qizlarimiz turli sohalarda dastlabki quvonchli yutuqlarga erishayotganlari; keyingi yillarda shahar va qishloqlarimiz jadal sur’atlar bilan obod bo‘lib borayotgani; O‘zbekistonning Markaziy Osiyo mintaqasida yaxshi qo‘shnichilik, hamkorlik va integratsiya jarayonlarini kuchaytirishdagi o‘rni va nufuzi ortib, yangi bosqichga ko‘tarilayotgani; Yangi O‘zbekistonning jahon hamjamiyatida ochiq, demokratik va dunyoviy davlat sifatidagi obro‘-e’tibori va nufuzi tobora yuksalib borayotgani kabi ustuvor yo‘nalishlarda erishilgan yutuqlar yoritilishiga alohida e’tibor qaratiladi.
❗️Tanlovga taqdim etilgan ijodiy ishlarga quyidagi hujjatlar ilova qilinishi lozim:
- ijodiy ish insho yozuvchi shaxsning oʼzi tomonidan yozilishi (qoʼlyozma shaklida)
- insho kamida 5 betda yozilishi (belgilangan tartibdagi hajmda va kattalikda)
- sunʼiy intellektdan foydalanmaslik;
- insho o'zbek tilida yozilishi kerak;
- muallifning pasporti nusxasi;
- muallifning manzili, o'qish (ish) joyi va bogʼlanish telefonlari;
- yosh chegarasi 16-25 yoshgacha boʼlishi;

❗️Hujjatlar 28-iyuldan 20-avgustgacha @vorislar_insholar_tanlovi_bot telegram boti orqali qabul qilinadi.

Essay submission for this topic has ended.